🎈 Happy 27m my little girls 🎈
🐄北海道牛乳蔬菜燉雞配農夫包🍞
發達啦有人今晚唔駛食飯,
加上牛奶好香,浸到隻雞好滑
我自己一路煮都偷食咗一舊
最可惜係買唔到圓包 只可以用蒜蓉包代替
啲餡食晒 個包到清左一半👍🏻
小朋友個個月都唔一樣
為B 講多左好多野,最岩聽當然係 好味!好食呀!
亦因為開始識講嘢表達自己嘅感受
為B喊少咗好多,亦都慢慢冇咁容易炆憎
Trouble two 真係好挑戰媽媽嘅耐性同EQ
以我發現 冷處理 同 奬罰 係對為B 最有效
同大家分享一則小故事
記得有一次為B bu都成地水,已經唔係第一次
嗰刻唔知做乜我自己都火起🔥
我叫左佢自己去罰企,過咗1分鐘左右
佢已經不停叫媽媽,之後仲自己倒數10下可以離開
我話唔俾要繼續罰企多兩分鐘,佢就開始喊
（嗰一下我係咁同自己講要冷靜，因為保持自己的淡定與平和，孩子才會更容易平復情緒。）
2分鐘過後我抱著為B,安撫左佢唔再喊,
問佢點解bu水同埋解釋咁樣係唔啱,
俾咗毛巾佢自己清潔,佢都扭扭擰擰左好耐
(想佢明白自己做錯就要自己處理返)
亦由於佢唔係第一次,我仲罰佢冇得玩泥膠
為B亦因為咁又喊左一陣,不過我無理佢
一整個下晝,都不停keep住問可唔可以玩泥膠
我都會重複咁問返佢,點解媽媽唔俾玩
佢又真係答到因為曳曳bu水,之後佢就真係無再bu 過水 💦
其實過程我自己都已經死咗好多腦細胞同嘔左幾筒血，做阿媽真係要身心強大
後續- 告禦狀
當晚爸爸返咗屋企, 為B就用佢有限嘅言辭同爸爸講
為: "媽媽- 企罰呀"
爸: "媽媽咩事罰你呀 實有原因個喎"
為: "為為- bu 水 唔好呀 媽媽罰呀 玩泥膠 無呀"
爸: "原來係咁 咁為為乖叫媽媽聽日再同你玩泥膠好唔好"
為："好呀"
媽: 😒使唔使一返嚟就話俾爸爸聽 我罰佢😒
Search